समु᳚ प्रि॒या अ᳚नूषत॒ गावो॒ मदा᳚य॒ घृष्व᳚यः ।
सोमा᳚सः कृण्वते प॒थः पव᳚मानास॒ इन्द᳚वः ॥
सोमा᳚सः कृण्वते प॒थः पव᳚मानास॒ इन्द᳚वः ॥
पदपाठः (Word-by-word)
सम् । ऊं॒ इति᳚ । प्रि॒याः । अ॒नू॒ष॒त॒ । गावः᳚ । मदा᳚य । घृष्व᳚यः ।
सोमा᳚सः । कृ॒ण्व॒ते॒ । प॒थः । पव᳚मानासः । इन्द᳚वः ॥
सोमा᳚सः । कृ॒ण्व॒ते॒ । प॒थः । पव᳚मानासः । इन्द᳚वः ॥
सायणभाष्यम् (Sayana Commentary)
प्रियाः प्रियतमाः घृष्वयः अत्यन्तदीप्ताः यद्वा अहं प्रथमतः स्तौमि अहं पुरस्तात् स्तौमीति परस्परं स्पर्धमानाः गावः स्तुतिलक्षणावाचः सोमस्य मदाय मदार्थं समनूषत संस्तुवन्ति । उःप्रसिद्धौ । यद्वा गावोधेनवः सोमस्य मदाय शब्दायन्ते ततः पवमानासः पूयमानाः इन्दवोदीप्ताः सोमासः सोमाः पथोमार्गान् कृण्वते रक्षणार्थं कुर्वन्ति ॥ ८ ॥