अ॒यं पू॒षा र॒यिर्भग॒ः सोमः᳚ पुना॒नो अ᳚र्षति ।
पति॒र्विश्व᳚स्य॒ भूम᳚नो॒ व्य᳚ख्य॒द्रोद᳚सी उ॒भे ॥
पति॒र्विश्व᳚स्य॒ भूम᳚नो॒ व्य᳚ख्य॒द्रोद᳚सी उ॒भे ॥
पदपाठः (Word-by-word)
अ॒यम् । पू॒षा । र॒यिः । भगः᳚ । सोमः᳚ । पु॒ना॒नः । अ॒र्ष॒ति॒ ।
पतिः᳚ । विश्व᳚स्य । भूम᳚नः । वि । अ॒ख्य॒त् । रोद᳚सी॒ इति᳚ । उ॒भे इति᳚ ॥
पतिः᳚ । विश्व᳚स्य । भूम᳚नः । वि । अ॒ख्य॒त् । रोद᳚सी॒ इति᳚ । उ॒भे इति᳚ ॥
सायणभाष्यम् (Sayana Commentary)
पूषा पोषकः सर्वेषां भगोभजनीयः रयिर्धनहेतुः अयं सोमः पुनानः पूयमानः सन् अर्षति कलशे गच्छति । तथा विश्वस्य सर्वस्य भूमनोभूतजातस्य पतिः पालयिता सोमः उभे रोदसी द्यावापृथिव्यौ व्यख्यत् स्वतेजसा प्रकाशयति । अनेन लोक्द्वयवर्तित्वं सूचितं ॥ ७ ॥