उ॒च्चा ते᳚ जा॒तमन्ध᳚सो दि॒वि षद्भूम्या द᳚दे ।
उ॒ग्रं शर्म॒ महि॒ श्रवः᳚ ॥
उ॒ग्रं शर्म॒ महि॒ श्रवः᳚ ॥
पदपाठः (Word-by-word)
उ॒च्चा । ते॒ । जा॒तम् । अन्ध᳚सः । दि॒वि । सत् । भूमिः᳚ । आ । द॒दे॒ ।
उ॒ग्रम् । शर्म᳚ । महि᳚ । श्रवः᳚ ॥
उ॒ग्रम् । शर्म᳚ । महि᳚ । श्रवः᳚ ॥
सायणभाष्यम् (Sayana Commentary)
हे सोम ते तव संबन्धिनोंधसो रसस्योच्चा उपरि जातं जन्म अपिच दिवि द्युलोके सत् विद्यमानं स्वतस्तवसंबन्धि उग्रमुद्गूर्णं शर्मसुखं महिमहत् श्रवोन्नंच भूमिराददे । भूम्यादद- इति पदत्रयमामनन्ति विसर्जनीयलोपः सांहितिकः । भूमिः भौमाजनामादृशाः भूमिष्ठैरादी- यत इत्यर्थः ॥ १० ॥