पव᳚मान॒ रस॒स्तव॒ दक्षो॒ वि रा᳚जति द्यु॒मान् ।
ज्योति॒र्विश्वं॒ स्व᳚र्दृ॒शे ॥
ज्योति॒र्विश्वं॒ स्व᳚र्दृ॒शे ॥
पदपाठः (Word-by-word)
पव᳚मान । रसः᳚ । तव᳚ । दक्षः᳚ । वि । रा॒ज॒ति॒ । द्यु॒॑मान् ।
ज्योतिः᳚ । विश्व᳚म् । स्वः᳚ । दृ॒शे ॥
ज्योतिः᳚ । विश्व᳚म् । स्वः᳚ । दृ॒शे ॥
सायणभाष्यम् (Sayana Commentary)
हे पवमान सोम तव त्वदीयोदक्षो व्रुद्धोद्युमान् दीप्तिमान् रसो विराजति प्रकाशते । न केवलं स्वयमेव प्रकाशते किंतु विश्वं व्याप्तं स्वः सर्वं ज्योतिस्तेजश्च दृशे द्रष्टुं करोतीति शेषः ॥ १८ ॥