या ते᳚ भी॒मान्यायु᳚धा ति॒ग्मानि॒ सन्ति॒ धूर्व᳚णे ।
रक्षा᳚ समस्य नो नि॒दः ॥
रक्षा᳚ समस्य नो नि॒दः ॥
पदपाठः (Word-by-word)
या । ते॒ । भी॒मानि᳚ । आयु᳚धा । ति॒ग्मानि᳚ । सन्ति᳚ । धूर्व᳚णे ।
रक्ष᳚ । स॒म॒स्य॒ । नः॒ । नि॒दः ॥
रक्ष᳚ । स॒म॒स्य॒ । नः॒ । नि॒दः ॥
सायणभाष्यम् (Sayana Commentary)
हे सोम ते तव या यानि भीमानि शत्रूणां भयंकराणि तिग्मानि तीक्ष्णानि आयुधा आयु- धानि धूर्वणे शत्रुवधार्थं सन्ति तैरायुधैः समस्य सर्वस्य शत्रोर्निदोनिन्दाया नोस्मान् रक्ष पालय ॥ ३० ॥
एतेअसृग्रमिति त्रिंशदृचं द्वितीयं सूक्तं भार्गवस्य जमदग्नेरार्षं गायत्रं पवमानसोमदेवताकम् । तथाचानुक्रान्तं—एतेअसृग्रंजमदग्निरिति । गतोविनियोगः ।