सु॒वीरा᳚सो व॒यं धना॒ जये᳚म सोम मीढ्वः ।
पु॒ना॒नो व᳚र्ध नो॒ गिरः᳚ ॥
पु॒ना॒नो व᳚र्ध नो॒ गिरः᳚ ॥
पदपाठः (Word-by-word)
सु॒॑वीरा᳚सः । व॒यम् । धना᳚ । जये᳚म । सो॒म॒ । मी॒ढ्वः॒ ।
पु॒ना॒नः । व॒र्ध॒ । नः॒ । गिरः᳚ ॥
पु॒ना॒नः । व॒र्ध॒ । नः॒ । गिरः᳚ ॥
सायणभाष्यम् (Sayana Commentary)
हे मीढ्वः सेक्तः सोम पुनानः पूयमानस्त्वं सुवीरासः सुवीराः कल्याणपुत्राः वयममहीयव आंगिरसाः धना शत्रूणां धनानि जयेम शत्रून् जित्वा तदीयानि धनानि स्वीकुर्यामेत्यर्थः । नो- स्माकं गिरः स्तुतिरूपावाचश्च वर्ध वर्धय ॥ २३ ॥