आ प᳚वस्व सह॒स्रिणं᳚ र॒यिं सो᳚म सु॒वीर्य᳚म् ।
अ॒स्मे श्रवां᳚सि धारय ॥
अ॒स्मे श्रवां᳚सि धारय ॥
पदपाठः (Word-by-word)
आ । प॒व॒स्व॒ । स॒ह॒स्रिण᳚म् । र॒यिम् । सो॒म॒ । सु॒॑वीर्य᳚म् ।
अ॒स्मे इति᳚ । श्रवां᳚सि । धा॒र॒य॒ ॥
अ॒स्मे इति᳚ । श्रवां᳚सि । धा॒र॒य॒ ॥
सायणभाष्यम् (Sayana Commentary)
हे सोम त्वं सहस्रिणं बहुसंख्याकं सुवीर्यं शोभनवीर्यं रयिं धनमापवस्वाभिमुख्येन क्षर । अपिचास्मे अस्मासु श्रवांस्यन्नानि धारय स्थापय ॥ १ ॥