पव᳚माना दि॒वस्पर्य॒न्तरि᳚क्षादसृक्षत ।
पृ॒थि॒व्या अधि॒ सान᳚वि ॥
पृ॒थि॒व्या अधि॒ सान᳚वि ॥
पदपाठः (Word-by-word)
पव᳚मानाः । दि॒वः । परि᳚ । अ॒न्तरि᳚क्षात् । अ॒सृ॒क्ष॒त॒ ।
पृ॒थि॒व्याः । अधि᳚ । सान᳚वि ॥
पृ॒थि॒व्याः । अधि᳚ । सान᳚वि ॥
सायणभाष्यम् (Sayana Commentary)
पवमानाः सोमाः दिवो द्युलोकादन्तरिक्षाच्च पृथिव्या भूम्याअधि सानवि समुच्छ्रिते देशे देवयजने पर्यसृक्षत सृज्यन्ते ॥ २७ ॥