अ॒या प᳚वस्व॒ धार᳚या॒ यया॒ सूर्य॒मरो᳚चयः ।
हि॒न्वा॒नो मानु᳚षीर॒पः ॥
हि॒न्वा॒नो मानु᳚षीर॒पः ॥
पदपाठः (Word-by-word)
अ॒या । प॒व॒स्व॒ । धार᳚या । यया᳚ । सूर्य᳚म् । अरो᳚चयः ।
हि॒न्वा॒नः । मानु᳚षीः । अ॒पः ॥
हि॒न्वा॒नः । मानु᳚षीः । अ॒पः ॥
सायणभाष्यम् (Sayana Commentary)
हे सोम मानुषीर्मनुष्याणां हितान्यप उदकानि हिन्वानः प्रेरयन् त्वं यया धारया सूर्यमरोचयः प्रकाशयस्तया अया अनया धारया पवस्व क्षर ॥ ७ ॥