अ॒स्मे वसू᳚नि धारय॒ सोम᳚ दि॒व्यानि॒ पार्थि᳚वा ।
इन्दो॒ विश्वा᳚नि॒ वार्या᳚ ॥
इन्दो॒ विश्वा᳚नि॒ वार्या᳚ ॥
पदपाठः (Word-by-word)
अ॒स्मे इति᳚ । वसू᳚नि । धा॒र॒य॒ । सोम᳚ । दि॒व्यानि᳚ । पार्थि᳚वा ।
इन्दो॒ इति᳚ । विश्वा᳚नि । वार्या᳚ ॥
इन्दो॒ इति᳚ । विश्वा᳚नि । वार्या᳚ ॥
सायणभाष्यम् (Sayana Commentary)
हे इन्दो दीप्त सोम दिव्यानि दिविभवानि पार्थिवा पार्थिवानि पृथिव्यां जातानि च विश्वा सर्वाणि वार्या वार्याणि वरणीयानि वसून्यस्मेस्मासु धारय प्रक्षिप ॥ ३० ॥
वृषासोमेति त्रिंशदृचं चतुर्थंसूक्तं मारीचस्यं कश्यपस्यार्षं गायत्रं पमानसौम्यम् । तथाचानुक्रान्तं—वृषासोमकश्यपइति । उक्तोविनियोगः ।