पु॒ना॒नः सो᳚म॒ धार॒येन्दो॒ विश्वा॒ अप॒ स्रिधः᳚ ।
ज॒हि रक्षां᳚सि सुक्रतो ॥
ज॒हि रक्षां᳚सि सुक्रतो ॥
पदपाठः (Word-by-word)
पु॒ना॒नः । सो॒म॒ । धार᳚या । इन्दो॒ इति᳚ । विश्वा᳚ । अप᳚ । स्रिधः᳚ ।
ज॒हि । रक्षां᳚सि । सु॒क्र॒तो॒ इति᳚ सु॑क्रतो ॥
ज॒हि । रक्षां᳚सि । सु॒क्र॒तो॒ इति᳚ सु॑क्रतो ॥
सायणभाष्यम् (Sayana Commentary)
हे इन्दो दीप्त सुक्रतो सुकर्मन् सोम धारया पुनानः पूयमानस्त्वं विश्वाः सर्वान् स्निधो द्वेष्टृन् शत्रून् रक्षांसि राक्षसांश्चापजहि मारय ॥ २८ ॥