य एको॒ अस्ति᳚ दं॒सना᳚ म॒हा{4} उ॒ग्रो अ॒भि व्र॒तैः ।
गम॒त्स शि॒प्री न स यो᳚ष॒दा ग᳚म॒द्धवं॒ न परि᳚ वर्जति ॥
गम॒त्स शि॒प्री न स यो᳚ष॒दा ग᳚म॒द्धवं॒ न परि᳚ वर्जति ॥
पदपाठः (Word-by-word)
यः । एकः᳚ । अस्ति᳚ । दं॒सना᳚ । म॒हाम् । उ॒ग्रः । अ॒भि । व्र॒तैः ।
गम᳚त् । सः । शि॒प्री । न । सः । यो॒ष॒त् । आ । ग॒म॒त् । हव᳚म् । न । परि᳚ । व॒र्ज॒ति॒ ॥
गम᳚त् । सः । शि॒प्री । न । सः । यो॒ष॒त् । आ । ग॒म॒त् । हव᳚म् । न । परि᳚ । व॒र्ज॒ति॒ ॥
सायणभाष्यम् (Sayana Commentary)
यइन्द्रएकः केवलः असहायएव व्रतैरात्मीयैः कर्मभिः अभ्यस्ति शत्रूनभिभवति यश्च दंसना कर्मणा महान् अधिकः अएव उग्र उद्गूर्णबलः शिप्री शिप्रं शिरस्त्राणं प्रशंसायामिनिः शोभनशिरस्त्राणः यद्वा शिप्रे हनूनासिकेवा तद्वान् सइन्द्रः गमत् गच्छतु प्राप्नोतु । सर्वदा स- तादृशो न योषत् नपृथग्भवतु न वियुक्तोभवतु । गमेर्यौतेश्चलेट्यडागमः इतश्चलोपइतीकारलोपः गमेर्बहुलंछन्दसीति शपोलुक् यौतेः सिब्बहुलमितिसिप् । हवमस्मदीयं स्तोत्रंच आगमत् अभिगच्छतु प्राप्नोतु नपरिवर्जति नपरिवर्जयतु नपरित्यजतु सर्वदा अस्मानस्मदीयं स्तोत्रं चेन्द्रः प्राप्नोत्वितियावत् ॥ २७ ॥