ये ते॒ सन्ति᳚ दश॒ग्विनः᳚ श॒तिनो॒ ये स᳚ह॒स्रिणः᳚ ।
अश्वा᳚सो॒ ये ते॒ वृष᳚णो रघु॒द्रुव॒स्तेभि᳚र्न॒स्तूय॒मा ग᳚हि ॥
अश्वा᳚सो॒ ये ते॒ वृष᳚णो रघु॒द्रुव॒स्तेभि᳚र्न॒स्तूय॒मा ग᳚हि ॥
पदपाठः (Word-by-word)
ये । ते॒ । सन्ति᳚ । द॒श॒॑ग्विनः᳚ । श॒तिनः᳚ । ये । स॒ह॒स्रिणः᳚ ।
अश्वा᳚सः । ये । ते॒ । वृष᳚णः । र॒घु॒॑द्रुवः᳚ । तेभिः᳚ । नः॒ । तूय᳚म् । आ । ग॒हि॒ ॥
अश्वा᳚सः । ये । ते॒ । वृष᳚णः । र॒घु॒॑द्रुवः᳚ । तेभिः᳚ । नः॒ । तूय᳚म् । आ । ग॒हि॒ ॥
सायणभाष्यम् (Sayana Commentary)
हे इन्द्र दशग्विनः दशयोजनगामिनः ये अश्वास्ते तव सन्ति विद्यन्ते येचान्ये शतिनः शतसंख्याकाः सहस्रिणः सहस्रस्ख्याकाः सन्ति ये ते त्वदीयाअश्वासः अश्वाः वृषणः सेचनसमर्थायुवानः रघुद्रुवः शीघ्रगामिनश्च तेभिस्तैः सर्वैरश्वैर्नोस्मान् तूयं क्षिप्रं आगत्द्यागच्छ ॥ ९ ॥