मम᳚ त्वा॒ सूर॒ उदि᳚ते॒ मम᳚ म॒ध्यंदि᳚ने दि॒वः ।
मम᳚ प्रपि॒त्वे अ᳚पिशर्व॒रे व᳚स॒वा स्तोमा᳚सो अवृत्सत ॥
मम᳚ प्रपि॒त्वे अ᳚पिशर्व॒रे व᳚स॒वा स्तोमा᳚सो अवृत्सत ॥
पदपाठः (Word-by-word)
मम᳚ । त्वा॒ । सूरे᳚ । उत्॑इ᳚ते । मम᳚ । म॒ध्यन्दि᳚ने । दि॒वः ।
मम᳚ । प्र॒॑पि॒त्वे । अ॒पि॒॑श॒र्व॒रे । व॒सो॒ इति᳚ । आ । स्तोमा᳚सः । अ॒वृ॒त्स॒त॒ ॥
मम᳚ । प्र॒॑पि॒त्वे । अ॒पि॒॑श॒र्व॒रे । व॒सो॒ इति᳚ । आ । स्तोमा᳚सः । अ॒वृ॒त्स॒त॒ ॥
सायणभाष्यम् (Sayana Commentary)
सूरे सूर्ये उदिते उदयं प्राप्ते पूर्वाह्णसमये मम स्तोमासः स्तोत्राणि हे वसो वासकेन्द्र त्वां आवृत्सत आवर्तयन्तु अस्मदभिमुखं गमयन्तु । तथा दिवोदिवसस्य मध्यन्दिने मध्याह्नेपि मदीयाः स्तोमासः स्तोमाः त्वामावर्तयन्तु । तथा प्रपित्वे प्राप्ते दिवसस्यावसाने सायाह्नेपि मदीयाः स्तोमाः त्वामावर्तयन्तु । अपिशर्वरे शर्वरीं रात्रिमपि गतः कालोपि शर्वरः शार्वरेकालेपि मदीयाः स्तोमाः त्वामावर्तयन्तु ॥ २९ ॥