यच्चि॒द्धि त्वा॒ जना᳚ इ॒मे नाना॒ हव᳚न्त ऊ॒तये᳚ ।
अ॒स्माकं॒ ब्रह्मे॒दमि᳚न्द्र भूतु॒ ते॑हा॒ विश्वा᳚ च॒ वर्ध᳚नम् ॥
अ॒स्माकं॒ ब्रह्मे॒दमि᳚न्द्र भूतु॒ ते॑हा॒ विश्वा᳚ च॒ वर्ध᳚नम् ॥
पदपाठः (Word-by-word)
यत् । चि॒त् । हि । त्वा॒ । जनाः᳚ । इ॒मे । नाना᳚ । हव᳚न्ते । ऊ॒तये᳚ ।
अ॒स्माक᳚म् । ब्रह्म᳚ । इ॒दम् । इ॒न्द्र॒ । भू॒तु॒ । ते॒ । अहा᳚ । विश्वा᳚ । च॒ । वर्ध᳚नम् ॥
अ॒स्माक᳚म् । ब्रह्म᳚ । इ॒दम् । इ॒न्द्र॒ । भू॒तु॒ । ते॒ । अहा᳚ । विश्वा᳚ । च॒ । वर्ध᳚नम् ॥
सायणभाष्यम् (Sayana Commentary)
इमे दृश्यमानाः सर्वेजनाः हे इन्द्र त्वां ऊतये रक्षणाय तर्पणायवा नाना पृथक् पृथक् यच्चित् यद्यपि हवन्ते स्तुवन्ति हीतिपूरणः तथापि अस्माकं इदं ब्रह्म स्तोत्रमेव हेइंद्र ते तव वर्धनं वर्धकं भूतु भवतु न केवलमिदानीमेव अपितु विश्वाहा सर्वाण्यहानि सर्वेष्वहस्सुच इदमेव स्तोत्रं त्वां वर्धयत्वित्यर्थः ॥ ३ ॥