अ॒हमिद्धि पि॒तुष्परि᳚ मे॒धामृ॒तस्य᳚ ज॒ग्रभ᳚ ।
अ॒हं सूर्य᳚ इवाजनि ॥
अ॒हं सूर्य᳚ इवाजनि ॥
पदपाठः (Word-by-word)
अ॒हम् । इत् । हि । पि॒तुः । परि᳚ । मे॒धाम् । ऋ॒तस्य᳚ । ज॒ग्रभ᳚ ।
अ॒हम् । सूर्यः᳚॑इव । अ॒ज॒नि॒ ॥
अ॒हम् । सूर्यः᳚॑इव । अ॒ज॒नि॒ ॥
सायणभाष्यम् (Sayana Commentary)
पितुः पालकस्य ऋतस्य सत्यस्यावितथस्येंद्रस्य मेधामनुग्रहात्मिकां बुद्धिं अहमित् अहमेव परिजग्रभ परिगृहीतवानस्मि नान्यः । हिं यस्मादेवं तस्मादहं सूर्यइवाजनि सूर्योयथा प्रकाशमानः सन् प्रादुर्भवति तथा अजनिषं प्रादुरभूवम् ॥ १० ॥