उ॒प॒ह्व॒रे गि᳚री॒णां सं᳚ग॒थे च᳚ न॒दीना᳚म् ।
धि॒या विप्रो᳚ अजायत ॥
धि॒या विप्रो᳚ अजायत ॥
पदपाठः (Word-by-word)
उ॒प॒॑ह्व॒रे । गि॒री॒णाम् । स॒म्॑ग॒थे । च॒ । न॒दीना᳚म् ।
धि॒या । विप्रः᳚ । अ॒जा॒य॒त॒ ॥
धि॒या । विप्रः᳚ । अ॒जा॒य॒त॒ ॥
सायणभाष्यम् (Sayana Commentary)
गिरीणां पर्वतानां उपह्वरे उपह्वर्तव्ये नदीनां सरितां संगथे संगमने च ईदृग्विधे देशे क्रियमाणया धिया यागक्रियया स्तुत्या वा विप्रोमेधावी इन्द्रः अजायत प्रादुर्भवति अतोवयमपि तादृशेदेशे यजामः स्तुमोवेति भावः । गिरीणामित्यत्र नामन्यतरस्यामिति नामउदात्तत्वम् ॥ २८ ॥