अ॒हं प्र॒त्नेन॒ मन्म᳚ना॒ गिरः᳚ शुम्भामि कण्व॒वत् ।
येनेन्द्र॒ः शुष्म॒मिद्द॒धे ॥
येनेन्द्र॒ः शुष्म॒मिद्द॒धे ॥
पदपाठः (Word-by-word)
अ॒हम् । प्र॒त्नेन᳚ । मन्म᳚ना । गिरः᳚ । शु॒म्भा॒मि॒ । क॒ण्व॒॑वत् ।
येन᳚ । इन्द्रः᳚ । शुष्म᳚म् । इत् । द॒धे ॥
येन᳚ । इन्द्रः᳚ । शुष्म᳚म् । इत् । द॒धे ॥
सायणभाष्यम् (Sayana Commentary)
कण्ववत् मम जनकः कण्वइवाहं प्रत्नेन नित्येन वेदरूपेण मन्मना मननसाधनेनेन्द्रविषयस्तोत्रेण गिरोवाचः शुंभामि अलंकरोमि यदाहि इन्द्रविषये प्रयुज्यंते तदानीं यथार्थत्वात् वाचोऽलंकृताभवन्ति येन खलु स्तोत्रेण इन्द्रः शुष्मं शत्रूणां शोषकं बलं दधेइत् धत्तएव धारयत्येव यत्स्तोत्रमिन्द्रे ईदृशं बलमवश्यं जनयति तेन मन्मनेत्यर्थः ॥ ११ ॥