इ॒मां म᳚ इन्द्र सुष्टु॒तिं जु॒षस्व॒ प्र सु माम᳚व ।
उ॒त प्र व᳚र्धया म॒तिम् ॥
उ॒त प्र व᳚र्धया म॒तिम् ॥
पदपाठः (Word-by-word)
इ॒माम् । मे॒ । इ॒न्द्र॒ । सु॒॑स्तु॒तिम् । जु॒षस्व᳚ । प्र । सु । माम् । अ॒व॒ ।
उ॒त । प्र । व॒र्ध॒य॒ । म॒तिम् ॥
उ॒त । प्र । व॒र्ध॒य॒ । म॒तिम् ॥
सायणभाष्यम् (Sayana Commentary)
हे इन्द्र इमां पुरोवर्तिनीं मे मदीयां सुष्टुतिं शोभनां स्तुतिंजुषस्व सेवस्व । सेवित्वा च स्तोतारं मां सुशोभनं प्राव प्रकर्षेन रक्ष । उतापिच मतिं अस्मदीयां बुद्धिं प्रवर्धय प्रवृद्धां कुरु । यथा बह्वर्थदर्शिनी भवति तथा कुर्वित्यर्थः ॥ ३२ ॥