यद᳚स्य म॒न्युरध्व᳚नी॒द्वि वृ॒त्रं प᳚र्व॒शो रु॒जन् ।
अ॒पः स᳚मु॒द्रमैर᳚यत् ॥
अ॒पः स᳚मु॒द्रमैर᳚यत् ॥
पदपाठः (Word-by-word)
यत् । अ॒स्य॒ । म॒न्युः । अध्व᳚नीत् । वि । वृ॒त्रम् । प॒र्व॒॑शः । रु॒जन् ।
अ॒पः । स॒मु॒द्रम् । ऐर᳚यत् ॥
अ॒पः । स॒मु॒द्रम् । ऐर᳚यत् ॥
सायणभाष्यम् (Sayana Commentary)
अस्येन्द्रस्य मन्युः क्रोधः वृत्रं आवृत्य तिष्ठन्तमसुरं मेघं वा पर्वशः पर्वणि पर्वणि परुषि परुषि विरुजन् विभञ्जन् यद्यदा अध्वनीत् स्तन- यित्नुलक्षणं शब्दमकरोत् तदानीं समुद्रं समुन्दनीयं अदधिं प्रति अपोवृष्ट्युदकानि ऎरयत् सइन्द्रः प्रेरितवान् ॥ १३ ॥