इ॒मा अ॒भि प्र णो᳚नुमो वि॒पामग्रे᳚षु धी॒तयः᳚ ।
अ॒ग्नेः शो॒चिर्न दि॒द्युतः᳚ ॥
अ॒ग्नेः शो॒चिर्न दि॒द्युतः᳚ ॥
पदपाठः (Word-by-word)
इ॒माः । अ॒भि । प्र । नो॒नु॒मः॒ । वि॒पाम् । अग्रे᳚षु । धी॒तयः᳚ ।
अ॒ग्नेः । शो॒चिः । न । दि॒द्युतः᳚ ॥
अ॒ग्नेः । शो॒चिः । न । दि॒द्युतः᳚ ॥
सायणभाष्यम् (Sayana Commentary)
विपां स्तोतॄणामग्रेषु पुरस्तात् इमा अस्मदीयाः धीतयोधियः स्तोत्राणि अभिप्रणोनुमः आभिमुख्येन पुनःपुनः प्रवदामः । णुशब्दे । कीदृ- शीः स्तुतीः अग्नेः शोचिर्न दीप्तिरिव दिद्युतोदीप्यमाना वेदरूपाः ॥ ७ ॥