तं त्वा᳚ ह॒विष्म᳚ती॒र्विश॒ उप᳚ ब्रुवत ऊ॒तये᳚ ।
उ॒रु॒ज्रय᳚स॒मिन्दु᳚भिः ॥
उ॒रु॒ज्रय᳚स॒मिन्दु᳚भिः ॥
पदपाठः (Word-by-word)
तम् । त्वा॒ । ह॒विष्म᳚तीः । विशः᳚ । उप᳚ । ब्रु॒व॒ते॒ । ऊ॒तये᳚ ।
उ॒रु॒॑ज्रय᳚सम् । इन्दु᳚॑भिः ॥
उ॒रु॒॑ज्रय᳚सम् । इन्दु᳚॑भिः ॥
सायणभाष्यम् (Sayana Commentary)
हे इन्द्र तं पूर्वोक्तगुणं उरुज्रयसं विस्तीर्णं व्यापिनं त्वा त्वां हविष्मतीर्हविर्भिश्चरुपुरोडाशादिभिर्युक्ताः विशः प्रजाः उपब्रुवते उपेत्य- स्तुवन्ति किमर्थं इन्दुभिः सोमैः ऊतये तर्पणाय । यद्वा इन्दुभिः सोमैरुरुज्रयसं विस्तीर्णजवं ऊतये रक्षणाय स्तुवन्ति ॥ २७ ॥