इ॒मास्त᳚ इन्द्र॒ पृश्न᳚यो घृ॒तं दु᳚हत आ॒शिर᳚म् ।
ए॒नामृ॒तस्य᳚ पि॒प्युषी᳚ः ॥
ए॒नामृ॒तस्य᳚ पि॒प्युषी᳚ः ॥
पदपाठः (Word-by-word)
इ॒माः । ते॒ । इ॒न्द्र॒ । पृश्न᳚यः । घृ॒तम् । दु॒ह॒ते॒ । आ॒॑शिर᳚म् ।
ए॒नाम् । ऋ॒तस्य᳚ । पि॒प्युषीः᳚ ॥
ए॒नाम् । ऋ॒तस्य᳚ । पि॒प्युषीः᳚ ॥
सायणभाष्यम् (Sayana Commentary)
हे इन्द्र ते त्वदीयाइमाः पृश्नयः प्राष्टवर्णागावः घृतं क्षरणशीलं एनां एनं आशिरं आश्रयणं पयः दुहते दुहन्ति क्षारयन्ति । कीदृश्यः पृश्नयः ऋतस्य सत्यस्य अवितथस्येन्द्रस्य यज्ञस्य वा पिप्युषीः वर्धयित्र्यः ॥ १९ ॥