अनु᳚ त्वा॒ रोद᳚सी उ॒भे च॒क्रं न व॒र्त्येत᳚शम् ।
अनु᳚ सुवा॒नास॒ इन्द᳚वः ॥
अनु᳚ सुवा॒नास॒ इन्द᳚वः ॥
पदपाठः (Word-by-word)
अनु᳚ । त्वा॒ । रोद᳚सी॒ इति᳚ । उ॒भे इति᳚ । च॒क्रम् । न । व॒र्ति॒ । एत᳚शम् ।
अनु᳚ । सु॒वा॒नासः᳚ । इन्द᳚वः ॥
अनु᳚ । सु॒वा॒नासः᳚ । इन्द᳚वः ॥
सायणभाष्यम् (Sayana Commentary)
हे इन्द्र त्वा त्वां उभे रोदसी द्यावापृथिव्यौ अनुवर्तेते त्वदधीने भवतइत्यर्थः तत्रदृष्टान्तः-चक्रं न यथा रथचक्रं एतशं अश्वनामैतत् पुरोगच्छन्तमश्वं अनुवर्ति अनुवर्तते तद्वत् । अपिच सुवानासः ऋत्विग्भिरभिषूयमाणाइन्दवः सोमाश्च त्वामनुवर्तन्ते ॥ ३८ ॥