ओज॒स्तद᳚स्य तित्विष उ॒भे यत्स॒मव᳚र्तयत् ।
इन्द्र॒श्चर्मे᳚व॒ रोद᳚सी ॥
इन्द्र॒श्चर्मे᳚व॒ रोद᳚सी ॥
पदपाठः (Word-by-word)
ओजः᳚ । तत् । अ॒स्य॒ । ति॒त्वि॒षे॒ । उ॒भे इति᳚ । यत् । स॒म्॑अव᳚र्तयत् ।
इन्द्रः᳚ । चर्म᳚॑इव । रोद᳚सी॒ इति᳚ ॥
इन्द्रः᳚ । चर्म᳚॑इव । रोद᳚सी॒ इति᳚ ॥
सायणभाष्यम् (Sayana Commentary)
अस्येन्द्रस्य तदोजोबलं तित्विषे दिदीपे त्विष दीप्तौ यत् येनौजसा अयमिन्द्रः उभे रोदसी द्यावापृथिव्यौ चर्मेव समवर्तयत् सम्यग्वर्तयति यथा कश्वित्किञ्चिच्चर्म कदाचिद्विस्तारयति कदाचित्संकोचयति एवं तदधीने अभूतामित्यर्थः ॥ ५ ॥