स नो᳚ वृष॒न्त्सनि᳚ष्ठया॒ सं घो॒रया᳚ द्रवि॒त्न्वा ।
धि॒यावि᳚ड्ढि॒ पुरं᳚ध्या ॥
धि॒यावि᳚ड्ढि॒ पुरं᳚ध्या ॥
पदपाठः (Word-by-word)
सः । नः॒ । वृ॒ष॒न् । सनि᳚ष्ठया । सम् । घो॒रया᳚ । द्र॒वि॒त्न्वा ।
धि॒या । अ॒वि॒ड्ढि॒ । पुर᳚म्॑ध्या ॥
धि॒या । अ॒वि॒ड्ढि॒ । पुर᳚म्॑ध्या ॥
सायणभाष्यम् (Sayana Commentary)
हे वृषन् कामानां वर्षितरिन्द्र सपूर्वोक्तलक्षणस्त्वं सनिष्ठया षणुदाने धनादेर्दातृतमया घोरया सपत्नानां भयकारिण्या अतएव द्रवित्न्वा द्राव- यित्र्या शत्रूणां पलायित्र्या । द्रवतेरित्नुच् प्रत्ययः । पुरंध्या बहूनां धारयित्र्या पोषयित्र्या धिया तादृशेन कर्मणा नोस्मान् समविडृइ समन्ता- त्पालय । अवतेर्लेटि बहुलंछन्दसीति शपोलुक् बहुलवचनात्सिपडडागमः । अस्मान् धनदानादिना रक्षेत्यर्थः ॥ १५ ॥