इन्द्रा᳚य॒ मद्व᳚ने सु॒तं परि᳚ ष्टोभन्तु नो॒ गिरः᳚ ।
अ॒र्कम᳚र्चन्तु का॒रवः᳚ ॥
अ॒र्कम᳚र्चन्तु का॒रवः᳚ ॥
पदपाठः (Word-by-word)
इन्द्रा᳚य । मद्व᳚ने । सु॒तम् । परि᳚ । स्तो॒भ॒न्तु॒ । नः॒ । गिरः᳚ ।
अ॒र्कम् । अ॒र्च॒न्तु॒ । का॒रवः᳚ ॥
अ॒र्कम् । अ॒र्च॒न्तु॒ । का॒रवः᳚ ॥
सायणभाष्यम् (Sayana Commentary)
मद्वने माद्यतेः क्वनिप् मदनशीलायेन्द्राय तदर्थं सुतमभिषुतं सोमं नोस्मदीया गिरः स्तुतिलक्षणावाचः परिष्टोभन्तु स्तोभतिः स्तुतिकर्मा परितः सोमं स्तुवन्तु । ततः कारवः स्तुतिकारिणः स्तोतारश्च अर्कं सर्वैरर्चनीयं सोममर्चन्तु पूजयन्तु ॥ १९ ॥