यु॒ध्मं सन्त᳚मन॒र्वाणं᳚ सोम॒पामन᳚पच्युतम् ।
नर᳚मवा॒र्यक्र᳚तुम् ॥
नर᳚मवा॒र्यक्र᳚तुम् ॥
पदपाठः (Word-by-word)
यु॒ध्मम् । सन्त᳚म् । अ॒न॒र्वाण᳚म् । सो॒म॒॑पाम् । अन᳚प॑च्युतम् ।
नर᳚म् । अ॒वा॒र्य॑क्र᳚तुम् ॥
नर᳚म् । अ॒वा॒र्य॑क्र᳚तुम् ॥
सायणभाष्यम् (Sayana Commentary)
एवंगुणोपेतं इन्द्रं आगमयेत्याह-युध्मं शत्रूणां संप्रहारकं सन्तं अतएवानर्वाणमन्यैरप्रत्यृतं अनभिगतं तस्मात् अनपच्युतं संग्रामेषु शत्रुभिरहिंसितं सोमपां सोमस्य पातारं अस्य सोमस्य मदे सति अवार्यक्रतुं भटैरनिवारणीयकर्माणं नरं सर्वस्य नेतारं एतादृग्गुणोपेतमिन्द्रमागमयेति पूर्वेणसह संबन्धः ॥ ८ ॥