वि॒व्यक्थ᳚ महि॒ना वृ᳚षन्भ॒क्षं सोम᳚स्य जागृवे ।
य इ᳚न्द्र ज॒ठरे᳚षु ते ॥
य इ᳚न्द्र ज॒ठरे᳚षु ते ॥
पदपाठः (Word-by-word)
वि॒व्यक्थ᳚ । म॒हि॒ना । वृ॒ष॒न् । भ॒क्षम् । सोम᳚स्य । जा॒गृ॒वे॒ ।
यः । इ॒न्द्र॒ । ज॒ठरे᳚षु । ते॒ ॥
यः । इ॒न्द्र॒ । ज॒ठरे᳚षु । ते॒ ॥
सायणभाष्यम् (Sayana Commentary)
हे वृषन् कामानांवर्षितः हे जागृवे जागरणशीलेन्द्र त्वं तस्य सोमस्य भक्षं पानं प्रति महिना स्वमहिम्ना विव्यक्थ सर्वतो व्याप्तवानसि । व्यचेर्लिटि थलि अभ्यासस्योभयेषामिति संप्रसारणम् । हे इन्द्र यः सोमः ते जठरेषु उदरेषु प्रविशति तस्य पानं व्याप्तवानसीतिशेषः ॥ २३ ॥