यस्ते᳚ नू॒नं श᳚तक्रत॒विन्द्र᳚ द्यु॒म्नित᳚मो॒ मदः᳚ ।
तेन᳚ नू॒नं मदे᳚ मदेः ॥
तेन᳚ नू॒नं मदे᳚ मदेः ॥
पदपाठः (Word-by-word)
यः । ते॒ । नू॒नम् । श॒त॒क्र॒तो॒ इति᳚ शत॑क्रतो । इन्द्र᳚ । द्यु॒म्नि॑त᳚मः । मदः᳚ ।
तेन᳚ । नू॒नम् । मदे᳚ । म॒दे॒रिति᳚ मदेः ॥
तेन᳚ । नू॒नम् । मदे᳚ । म॒दे॒रिति᳚ मदेः ॥
सायणभाष्यम् (Sayana Commentary)
अत्र सोमः स्तूयते-हे शतक्रतो शतविधप्रज्ञान हे इन्द्र द्युम्नितमः यशस्वितमः योमदः माद्यंत्यनेनेति मदःसोमः यः सोमः नूनं पुरा ते त्वदर्थम- स्माभिरभिषुतोस्ति । तेन अस्माभिः प्रदीयमानसोमेन नूनमिदानीं मदे तत्पानेन मदे तव सजाते सति अस्मानपि मदेः धनादिदानेन त्वं मादय । मदीहर्षे अत्रान्तर्णीतण्यर्थः । बहुलमितिशप् ॥ १६ ॥