यस्मि॒न्विश्वा॒ अधि॒ श्रियो॒ रण᳚न्ति स॒प्त सं॒सदः᳚ ।
इन्द्रं᳚ सु॒ते ह᳚वामहे ॥
इन्द्रं᳚ सु॒ते ह᳚वामहे ॥
पदपाठः (Word-by-word)
यस्मि᳚न् । विश्वाः᳚ । अधि᳚ । श्रियः᳚ । रण᳚न्ति । स॒प्त । स॒म्॑सदः᳚ ।
इन्द्र᳚म् । सु॒ते । ह॒वा॒म॒हे॒ ॥
इन्द्र᳚म् । सु॒ते । ह॒वा॒म॒हे॒ ॥
सायणभाष्यम् (Sayana Commentary)
यस्मिन्निन्द्रे विश्वाः सर्वाः श्रियः कान्तयः अधि अधिकं भवन्ति अतिशयेन तेजस्वीत्यर्थः । किंच सप्त सप्तसंख्याकाः संसदः सम्यग्यज्ञेषु कर्म- करणार्थं सीदन्तीति संसदो होत्रकाः यस्मिन् रणन्ति सोमप्रदानार्थं रमन्ते । यद्वा यं शब्दयन्ति स्तुवन्ति तं पूर्वोक्तलक्षणमिन्द्रं सुते सोमेभिषुते सति हवामहे वयं सोमपानायाह्वयामः ॥ २० ॥