पु॒रु॒हू॒तं पु᳚रुष्टु॒तं गा᳚था॒न्यं१॒᳚ सन᳚श्रुतम् ।
इन्द्र॒ इति᳚ ब्रवीतन ॥
इन्द्र॒ इति᳚ ब्रवीतन ॥
पदपाठः (Word-by-word)
पु॒रु॒॑हू॒तम् । पु॒रु॒॑स्तु॒तम् । गा॒था॒न्य᳚म् । सन᳚॑श्रुतम् ।
इन्द्रः᳚ । इति᳚ । ब्र॒वी॒त॒न॒ ॥
इन्द्रः᳚ । इति᳚ । ब्र॒वी॒त॒न॒ ॥
सायणभाष्यम् (Sayana Commentary)
हे ऋत्विग्यजमानाः पुरुहूतं यज्ञेषु बहुभिराहूतं पुरुष्टुतं बहुभिः स्तोत्राशस्त्रादिभिः स्तुतं अतएव गाथान्यं गानयोग्यं गातव्यं सनश्रुतं सनातनतया प्रसिद्धं एवंविधं देवं इन्द्रइति यूयं ब्रवीतन ब्रूयात । ब्रूञ् व्यक्तायां वाचि इत्यस्य लोटि व्यत्ययेन ध्वमस्तनबादेशः अतएवगुणः ॥ २ ॥