ए॒वा रा॒तिस्तु᳚वीमघ॒ विश्वे᳚भिर्धायि धा॒तृभि᳚ः ।
अधा᳚ चिदिन्द्र मे॒ सचा᳚ ॥
अधा᳚ चिदिन्द्र मे॒ सचा᳚ ॥
पदपाठः (Word-by-word)
ए॒व । रा॒तिः । तु॒वि॒॑म॒घ॒ । विश्वे᳚भिः । धा॒यि॒ । धा॒तृ॑भिः᳚ ।
अध᳚ । चि॒त् । इ॒न्द्र॒ । मे॒ । सचा᳚ ॥
अध᳚ । चि॒त् । इ॒न्द्र॒ । मे॒ । सचा᳚ ॥
सायणभाष्यम् (Sayana Commentary)
हे तुविमघ तुविरिति बहुनाम बहुधनवन्निन्द्र विश्वेभिर्विश्वैर्धातृभिः कर्माधारकैः यद्वा देवानां हविर्दानेन पोषयितृभिः सर्वैर्यजमानैः तव रातिर्गवा- श्वधनादिदानं धायि तैर्धार्यतएव । दधातेर्लुङि कर्मणिरूपम् । चिदेवार्थे । अध अतएव हे इन्द्र एवंविध त्वं मे यष्टुर्ममापि सचा धनादिदानेन कर्मसहायोभव ॥ २९ ॥