अपा᳚दु शि॒प्र्यन्ध᳚सः सु॒दक्ष᳚स्य प्रहो॒षिणः᳚ ।
इन्दो॒रिन्द्रो॒ यवा᳚शिरः ॥
इन्दो॒रिन्द्रो॒ यवा᳚शिरः ॥
पदपाठः (Word-by-word)
अपा᳚त् । ऊं॒ इति᳚ । शि॒प्री । अन्ध᳚सः । सु॒॑दक्ष᳚स्य । प्र॒॑हो॒षिणः᳚ ।
इन्दोः᳚ । इन्द्रः᳚ । यव᳚॑आशिरः ॥
इन्दोः᳚ । इन्द्रः᳚ । यव᳚॑आशिरः ॥
सायणभाष्यम् (Sayana Commentary)
शिप्री शिप्रेहनूनासिकेवा शोभनहनुः यद्वा शिप्राः शीर्षण्याः सुशिरस्त्राणः सइन्द्रएव प्रहोषिणः प्रकर्षेण देवान् हविर्भिर्जुह्वतः सुदक्षस्य एतन्ना- मकस्य ऋषेः संबन्धि यवाशिरः श्रीङ्पाके आङ्पूर्वस्य अपस्पृधेथामानृचुरित्यादिना धातोः शिरादेशः यवैरामिश्रितं यवैः सह पक्वं इन्दोः सर्वतः पात्रेषु क्षरन्त अन्धसः सोमलक्षणमन्नमपादपिबत् । यद्वा अस्यसोमस्य भागमिन्द्रार्थं परिकल्पितं सोमांशमपिबत् । उइत्यवधारणे ॥ ४ ॥