मा न᳚ इन्द्रा॒भ्या॒३॒᳚दिश॒ः सूरो᳚ अ॒क्तुष्वा य᳚मन् ।
त्वा यु॒जा व᳚नेम॒ तत् ॥
त्वा यु॒जा व᳚नेम॒ तत् ॥
पदपाठः (Word-by-word)
मा । नः॒ । इ॒न्द्र॒ । अ॒भि । आ॒॑दिशः᳚ । सूरः᳚ । अ॒क्तुषु᳚ । आ । य॒म॒न् ।
त्वा । यु॒जा । व॒ने॒म॒ । तत् ॥
त्वा । यु॒जा । व॒ने॒म॒ । तत् ॥
सायणभाष्यम् (Sayana Commentary)
हे इन्द्र आदिशः आदेष्टारः समन्तादायुधान्यतिविसृजन्तः सुरः सृगतौ सर्वत्र सरणशीलाराक्षसाः अक्तुषु रात्रिषु दिवापि नोस्माकं माभ्यायमन् आभिमुख्येन मा नियन्तारोभवन्तु । यद्यागताश्चेत् तदा तद्रक्षःकुलं त्वा त्वया युजा सहायेन वयं वनेम अहन्म । श्नथ क्रथक्लथ हिंसार्थाः । वनचेति पठितत्वात्सिद्धार्थः ॥ ३१ ॥