अरं॒ हि ष्म᳚ सु॒तेषु᳚ ण॒ः सोमे᳚ष्विन्द्र॒ भूष᳚सि ।
अरं᳚ ते शक्र दा॒वने᳚ ॥
अरं᳚ ते शक्र दा॒वने᳚ ॥
पदपाठः (Word-by-word)
अर᳚म् । हि । स्म॒ । सु॒तेषु᳚ । नः॒ । सोमे᳚षु । इ॒न्द्र॒ । भूष᳚सि ।
अर᳚म् । ते॒ । श॒क्र॒ । दा॒वने᳚ ॥
अर᳚म् । ते॒ । श॒क्र॒ । दा॒वने᳚ ॥
सायणभाष्यम् (Sayana Commentary)
हे इन्द्र सुतेष्वभिषुतेषु नोस्मदीयेषु सोमेषु । हिष्मेत्यवधारणे त्वमेव तेषां पाने अलं पर्याप्तोभूषसि भवसि । यद्वा सोमेष्वभिषुतेषु सत्सु नोस्माकं पर्याप्तं धनं भूषसि । भुप्राप्तौ त्वं प्रापय । तथा हे शक्र समर्थेन्द्र दावने धनादिकस्य दात्रे ते तुभ्यं अस्माभिर्दीयमानाः सोमाः अरमलं पर्याप्ता भवन्तु ॥ २६ ॥