प॒र्जन्य᳚वृद्धं महि॒षं तं सूर्य᳚स्य दुहि॒ताभ᳚रत् ।
तं ग᳚न्ध॒र्वाः प्रत्य᳚गृभ्ण॒न्तं सोमे॒ रस॒माद᳚धु॒रिन्द्रा᳚येन्दो॒ परि᳚ स्रव ॥
तं ग᳚न्ध॒र्वाः प्रत्य᳚गृभ्ण॒न्तं सोमे॒ रस॒माद᳚धु॒रिन्द्रा᳚येन्दो॒ परि᳚ स्रव ॥
पदपाठः (Word-by-word)
प॒र्जन्य᳚॑वृद्धम् । म॒हि॒षम् । तम् । सूर्य᳚स्य । दु॒हि॒ता । आ । अ॒भ॒र॒त् ।
तम् । ग॒न्ध॒र्वाः । प्रति᳚ । अ॒गृ॒भ्ण॒न् । तम् । सोमे᳚ । रस᳚म् । आ । अ॒द॒धुः॒ । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
तम् । ग॒न्ध॒र्वाः । प्रति᳚ । अ॒गृ॒भ्ण॒न् । तम् । सोमे᳚ । रस᳚म् । आ । अ॒द॒धुः॒ । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
सायणभाष्यम् (Sayana Commentary)
सूर्यस्य दुहिताश्रद्धावैसूर्यस्य दुहितेति वाजसनेयकम् । सा वर्जन्यवृद्धं पर्जन्यवत्समर्थं यद्वा पर्जन्येन तत्कार्यत्वेनोदकेन प्रवृद्धं महिषं महान्तं पूज्यंवा तं सोममाभरत् आहरत् द्युलोकादाहृतवती तमाह्रियमाणं सोमं गंधर्वाः विश्वावसुप्रभृतयः प्रत्यगृभ्णन् प्रत्यगृह्णन् प्रतिगृहीतवन्तः हृग्रहोर्भः । ततः गंधर्वाः प्रतिगृहीतं रसं सोमे प्रत्यक्षमादधुः । दधातेर्ल- ङि । तस्मात् परिस्रव ॥ ३ ॥