यत्र᳚ ब्र॒ह्मा प᳚वमान छन्द॒स्यां॒३॒᳚ वाचं॒ वद᳚न् ।
ग्राव्णा॒ सोमे᳚ मही॒यते॒ सोमे᳚नान॒न्दं ज॒नय॒न्निन्द्रा᳚येन्दो॒ परि᳚ स्रव ॥
ग्राव्णा॒ सोमे᳚ मही॒यते॒ सोमे᳚नान॒न्दं ज॒नय॒न्निन्द्रा᳚येन्दो॒ परि᳚ स्रव ॥
पदपाठः (Word-by-word)
यत्र᳚ । ब्र॒ह्मा । प॒व॒मा॒न॒ । छ॒न्द॒स्या᳚म् । वाच᳚म् । वद᳚न् ।
ग्राव्णा᳚ । सोमे᳚ । म॒ही॒यते᳚ । सोमे᳚न । आ॒॑न॒न्दम् । ज॒नय᳚न् । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
ग्राव्णा᳚ । सोमे᳚ । म॒ही॒यते᳚ । सोमे᳚न । आ॒॑न॒न्दम् । ज॒नय᳚न् । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
सायणभाष्यम् (Sayana Commentary)
हे पवमान पूयमान सोम त्वदर्थं छन्दस्यां सप्तच्छन्दोभिः कृतां तेषु भवां वाचं स्तु- तिं वदन् उच्चारयन् सोमे सोमाभिषवार्थं ग्राव्णाभिषवं कुर्वतायुक्तः तेनाभिषुतेन सोमेन देवानामानन्दं सन्तोषं जनयन्नुत्पादयन् ब्रह्मा ब्राह्मणः यत्र यस्मिन्देशे महीयते देवैः पूज्यते तत्र हे सोम त्वं परिस्रव ॥ ६ ॥