स॒त्यमु᳚ग्रस्य बृह॒तः सं स्र᳚वन्ति संस्र॒वाः ।
सं य᳚न्ति र॒सिनो॒ रसा᳚ः पुना॒नो ब्रह्म᳚णा हर॒ इन्द्रा᳚येन्दो॒ परि᳚ स्रव ॥
सं य᳚न्ति र॒सिनो॒ रसा᳚ः पुना॒नो ब्रह्म᳚णा हर॒ इन्द्रा᳚येन्दो॒ परि᳚ स्रव ॥
पदपाठः (Word-by-word)
स॒त्यम्॑उ᳚ग्रस्य । बृ॒ह॒तः । सम् । स्र॒व॒न्ति॒ । स॒म्॑स्र॒वाः ।
सम् । य॒न्ति॒ । र॒सिनः᳚ । रसाः᳚ । पु॒ना॒नः । ब्रह्म᳚णा । ह॒रे॒ । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
सम् । य॒न्ति॒ । र॒सिनः᳚ । रसाः᳚ । पु॒ना॒नः । ब्रह्म᳚णा । ह॒रे॒ । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
सायणभाष्यम् (Sayana Commentary)
सत्यमुग्रस्य संग्रामे सत्येन शत्रूणामुद्गारयितुः यद्वा उद्गूर्णसत्यस्य यद्वा यथार्थभूतमु- द्गूर्णं बलं यस्य तस्य पृषोदरादित्वात् रूपसिद्धिः बृहतोमहतः सोमस्य तव संस्रवाः सम्यक् स्रवणशीलाः धाराः संस्रवन्ति सम्यक् गच्छन्ति । किंच रसिनोरसवतस्तव स्वभू- तारसाः संयन्ति संगच्छन्ते तस्मात् हे हरे हरितवर्ण सोम ब्रह्मणा ब्राह्मणेन मंत्रेणवा पुनानः पूयमानः सत्वमिन्द्रार्थं परिस्रव ॥ ५ ॥