यत्र॒ ज्योति॒रज᳚स्रं॒ यस्मि{4}᳚ल्लो॒के स्व᳚र्हि॒तम् ।
तस्मि॒न्मां धे᳚हि पवमाना॒मृते᳚ लो॒के अक्षि᳚त॒ इन्द्रा᳚येन्दो॒ परि᳚ स्रव ॥
तस्मि॒न्मां धे᳚हि पवमाना॒मृते᳚ लो॒के अक्षि᳚त॒ इन्द्रा᳚येन्दो॒ परि᳚ स्रव ॥
पदपाठः (Word-by-word)
यत्र᳚ । ज्योतिः᳚ । अज᳚स्रम् । यस्मि᳚न् । लो॒के । स्वः᳚ । हि॒तम् ।
तस्मि᳚न् । माम् । धे॒हि॒ । प॒व॒मा॒न॒ । अ॒मृते᳚ । लो॒के । अक्षि᳚ते । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
तस्मि᳚न् । माम् । धे॒हि॒ । प॒व॒मा॒न॒ । अ॒मृते᳚ । लो॒के । अक्षि᳚ते । इन्द्रा᳚य । इ॒न्दो॒ इति᳚ । परि᳚ । स्र॒व॒ ॥
सायणभाष्यम् (Sayana Commentary)
हे पवमान यत्र यस्मिन्लोके ज्योतिः सर्वं तेजः अजस्रं सर्वदा अविनश्वरं वर्तते । यस्मिंश्च लोके स्वरादित्याख्यं ज्योतिर्हितं निहितमस्ति तस्मिन् अमृते मरणधर्मरहिते अतएव अक्षिते अक्षीणलोके मां सोमाभिषवं कुर्वन्तं धेहि तस्मान्मामुत्तमलोकं प्रापयितुं त्वमिन्द्राय परिस्रव ॥ ७ ॥