मन्त्र॒मख᳚र्वं॒ सुधि᳚तं सु॒पेश᳚सं॒ दधा᳚त य॒ज्ञिये॒ष्वा ।
पू॒र्वीश्च॒न प्रसि᳚तयस्तरन्ति॒ तं य इन्द्रे॒ कर्म᳚णा॒ भुव᳚त् ॥
पू॒र्वीश्च॒न प्रसि᳚तयस्तरन्ति॒ तं य इन्द्रे॒ कर्म᳚णा॒ भुव᳚त् ॥
पदपाठः (Word-by-word)
मन्त्र᳚म् । अख᳚र्वम् । सु॑धि᳚तम् । सु॒॑पेश᳚सम् । दधा᳚त । य॒ज्ञिये᳚षु । आ ।
पू॒र्वीः । च॒न । प्र॑सि᳚तयः । त॒र॒न्ति॒ । तम् । यः । इन्द्रे᳚ । कर्म᳚णा । भुव᳚त् ॥
पू॒र्वीः । च॒न । प्र॑सि᳚तयः । त॒र॒न्ति॒ । तम् । यः । इन्द्रे᳚ । कर्म᳚णा । भुव᳚त् ॥
सायणभाष्यम् (Sayana Commentary)
हे जनाः अखर्वं अनल्पं सुधितं सुविहितं सुपेशसं शोभनरूपं मंत्रं स्तोत्रं यज्ञियेषु यजनीयेषु देवेषु मध्ये इन्द्राय दधात विधत्त यो जनः कर्मणा स्तुत्यादिरूपेण इन्द्रे इन्द्रस्य चित्ते भुवत् भवेत् तं जनं पूर्वीर्बह्व्यः प्रसितयः पाशादीनि बंधनानि चनेति समुदायोत्यर्थे वर्तते नतरन्ति नव्याप्नुवन्ति इत्यर्थः ॥ १३ ॥