श्रव॒च्छ्रुत्क᳚र्ण ईयते॒ वसू᳚नां॒ नू चि᳚न्नो मर्धिष॒द्गिरः᳚ ।
स॒द्यश्चि॒द्यः स॒हस्रा᳚णि श॒ता दद॒न्नकि॒र्दित्स᳚न्त॒मा मि᳚नत् ॥
स॒द्यश्चि॒द्यः स॒हस्रा᳚णि श॒ता दद॒न्नकि॒र्दित्स᳚न्त॒मा मि᳚नत् ॥
पदपाठः (Word-by-word)
श्रव᳚त् । श्रुत्॑क᳚र्णः । ई॒य॒ते॒ । वसू᳚नाम् । नु । चि॒त् । नः॒ । म॒र्धि॒ष॒त् । गिरः᳚ ।
स॒द्यः । चि॒त् । यः । स॒हस्रा᳚णि । स॒ता । दद᳚त् । नकिः᳚ । दित्स᳚न्तम् । आ । मि॒न॒त् ॥
स॒द्यः । चि॒त् । यः । स॒हस्रा᳚णि । स॒ता । दद᳚त् । नकिः᳚ । दित्स᳚न्तम् । आ । मि॒न॒त् ॥
सायणभाष्यम् (Sayana Commentary)
श्रुत्कर्ण याच्चाश्रवणरूपकर्ण इन्द्रो वसूनां वसूनि ईयते याच्यते नोस्मदीयाः गिरोयाच्चावाक्यानि श्रवत् शृणोतु नूचित् नैव मर्धिषत् हिन- स्तु अश्रवणेन याच्चावाक्यानि निष्फलानि नकरोत्वित्यर्थः । अपि च यः इन्द्रः सद्यश्चित् सद्यएव याच्चानन्तमेव सहस्राणि शताशतानि च ददत् प्रयच्छेत् दित्सन्तं दातुमिच्छन्तं तमिन्द्रं नकिरामिनत् नहिंस्यात् कश्चिदपि नवारयेदित्यर्थः ॥ ५ ॥