शिक्षे᳚य॒मिन्म᳚हय॒ते दि॒वेदि᳚वे रा॒य आ कु᳚हचि॒द्विदे᳚ ।
न॒हि त्वद॒न्यन्म᳚घवन्न॒ आप्यं॒ वस्यो॒ अस्ति᳚ पि॒ता च॒न ॥
न॒हि त्वद॒न्यन्म᳚घवन्न॒ आप्यं॒ वस्यो॒ अस्ति᳚ पि॒ता च॒न ॥
पदपाठः (Word-by-word)
शिक्षे᳚यम् । इत् । म॒ह॒॑य॒ते । दि॒वे॑दि᳚वे । रा॒यः । आ । कु॒ह॒चि॒त्॑विदे᳚ ।
नहि । त्वत् । अ॒न्यत् । म॒घ॒॑व॒न् । नः॒ । आप्य᳚म् । वस्यः᳚ । अस्ति᳚ । पि॒ता । च॒न ॥
नहि । त्वत् । अ॒न्यत् । म॒घ॒॑व॒न् । नः॒ । आप्य᳚म् । वस्यः᳚ । अस्ति᳚ । पि॒ता । च॒न ॥
सायणभाष्यम् (Sayana Commentary)
कुहचिद्विदे कुत्रचिद्विद्यमानः कुहचिद्वित् तस्मै यत्र क्वापि विद्यमानायेत्यर्थः महयते पूजयते जनाय दिवेदिवे प्रतिदिनं रायो धनानि शिक्षेयमित् दद्यामेव आकारः पूरणः । एवमिन्द्रस्य वाक्यं श्रुत्वा संतुष्टऋषिर्वदति हे मघवन् त्वत् त्वत्तोन्यत् नः अस्माकं आप्यं ज्ञातेयं नह्यस्ति वस्यः प्रशस्यः पिताचन पालयिताच त्वदन्योनास्तीत्यर्थः ॥ १९ ॥