परा᳚ णुदस्व मघवन्न॒मित्रा᳚न्त्सु॒वेदा᳚ नो॒ वसू᳚ कृधि ।
अ॒स्माकं᳚ बोध्यवि॒ता म᳚हाध॒ने भवा᳚ वृ॒धः सखी᳚नाम् ॥
अ॒स्माकं᳚ बोध्यवि॒ता म᳚हाध॒ने भवा᳚ वृ॒धः सखी᳚नाम् ॥
पदपाठः (Word-by-word)
परा᳚ । नु॒द॒स्व॒ । म॒घ॒॑व॒न् । अ॒मित्रा᳚न् । सु॒॑वेदा᳚ । नः॒ । वसु᳚ । कृ॒धि॒ ।
अ॒स्माक᳚म् । बो॒धि॒ । अ॒वि॒ता । म॒हा॒॑ध॒ने । भव᳚ । वृ॒धः । सखी᳚नाम् ॥
अ॒स्माक᳚म् । बो॒धि॒ । अ॒वि॒ता । म॒हा॒॑ध॒ने । भव᳚ । वृ॒धः । सखी᳚नाम् ॥
सायणभाष्यम् (Sayana Commentary)
हे मघवन् परा पराचीनानमित्रान् शत्रून् नुदस्व प्रेरय नोस्मभ्यं वसु वसूनि सुवेदा सुलभानि कृधि कुरु । महाधने संग्रामे वाजसातौ महाधनइति संग्रामनामसु पाठात् सखीनां स्तोतॄणामस्माकं वसिष्ठानामविता रक्षिता बोधि भव वृधोवर्धयिता च भव ॥ २५ ॥