न त्वावा{4}᳚ अ॒न्यो दि॒व्यो न पार्थि᳚वो॒ न जा॒तो न ज᳚निष्यते ।
अ॒श्वा॒यन्तो᳚ मघवन्निन्द्र वा॒जिनो᳚ ग॒व्यन्त᳚स्त्वा हवामहे ॥
अ॒श्वा॒यन्तो᳚ मघवन्निन्द्र वा॒जिनो᳚ ग॒व्यन्त᳚स्त्वा हवामहे ॥
पदपाठः (Word-by-word)
न । त्वा॑वा᳚न् । अ॒न्यः । दि॒व्यः । न । पार्थि᳚वः । न । जा॒तः । न । ज॒नि॒ष्य॒ते॒ ।
अ॒श्व॒॑यन्तः᳚ । म॒घ॒॑व॒न् । इ॒न्द्र॒ । वा॒जिनः᳚ । ग॒व्यन्तः᳚ । त्वा॒ । ह॒वा॒म॒हे॒ ॥
अ॒श्व॒॑यन्तः᳚ । म॒घ॒॑व॒न् । इ॒न्द्र॒ । वा॒जिनः᳚ । ग॒व्यन्तः᳚ । त्वा॒ । ह॒वा॒म॒हे॒ ॥
सायणभाष्यम् (Sayana Commentary)
हे मघवन् इन्द्र दिव्यो दिविभवः त्वावान् त्वत्सदृशोन्यो न जायते पार्थिवः पृथिव्यां भवोपि त्वावानन्यो नजायते दिव्यः पार्थिवोवा त्वावानन्योनजातः नचजनिष्यते पृथिव्यां दिविच त्रिष्वपि लोकेषु त्वत्सदृशः कश्चिन्नास्तीत्यर्थः । अश्वायन्तोश्वानिच्छन्तो वाजिनो वाजमिच्छन्तः इच्छायामिनिप्रत्ययः हविष्मन्तोवा गव्यन्तोगाइच्छन्तश्च वयं त्वा त्वां हवामहे ह्वयामः ॥ २३ ॥