इन्द्र॒ क्रतुं᳚ न॒ आ भ᳚र पि॒ता पु॒त्रेभ्यो॒ यथा᳚ ।
शिक्षा᳚ णो अ॒स्मिन्पु᳚रुहूत॒ याम᳚नि जी॒वा ज्योति᳚रशीमहि ॥
शिक्षा᳚ णो अ॒स्मिन्पु᳚रुहूत॒ याम᳚नि जी॒वा ज्योति᳚रशीमहि ॥
पदपाठः (Word-by-word)
इन्द्र᳚ । क्रतु᳚म् । नः॒ । आ । भ॒र॒ । पि॒ता । पु॒त्रेभ्यः᳚ । यथा᳚ ।
शिक्ष᳚ । नः॒ । अ॒स्मिन् । पु॒रु॒॑हू॒त॒ । याम᳚नि । जी॒वाः । ज्योतिः᳚ । अ॒शी॒म॒हि॒ ॥
शिक्ष᳚ । नः॒ । अ॒स्मिन् । पु॒रु॒॑हू॒त॒ । याम᳚नि । जी॒वाः । ज्योतिः᳚ । अ॒शी॒म॒हि॒ ॥
सायणभाष्यम् (Sayana Commentary)
हे इन्द्र नोस्मभ्यं क्रतुं कर्म प्रज्ञानं वा आभर आहर । अपि च यथा पिता पुत्रेभ्योधनं प्रयच्छति तथा नोस्मभ्यं शिक्ष धनं देहि । हे पुरुहूत बहूभिराहूत अस्मिन् यामनि यज्ञे जीवाः वयं ज्योतिः सूर्यमशीमहि प्रतिदिनं प्राप्नुयाम ॥ २६ ॥