शुची᳚ वो ह॒व्या म᳚रुत॒ः शुची᳚नां॒ शुचिं᳚ हिनोम्यध्व॒रं शुचि᳚भ्यः ।
ऋ॒तेन᳚ स॒त्यमृ᳚त॒साप᳚ आय॒ञ्छुचि᳚जन्मान॒ः शुच᳚यः पाव॒काः ॥
ऋ॒तेन᳚ स॒त्यमृ᳚त॒साप᳚ आय॒ञ्छुचि᳚जन्मान॒ः शुच᳚यः पाव॒काः ॥
पदपाठः (Word-by-word)
शुची᳚ । वः॒ । ह॒व्या । म॒रु॒तः॒ । शुची᳚नाम् । शुचि᳚म् । हि॒नो॒मि॒ । अ॒ध्व॒रम् । शुचि᳚॑भ्यः ।
ऋ॒तेन᳚ । स॒त्यम् । ऋ॒त॒॑सापः᳚ । आ॒य॒न् । शुचि᳚॑जन्मानः । शुच᳚यः । पा॒व॒काः ॥
ऋ॒तेन᳚ । स॒त्यम् । ऋ॒त॒॑सापः᳚ । आ॒य॒न् । शुचि᳚॑जन्मानः । शुच᳚यः । पा॒व॒काः ॥
सायणभाष्यम् (Sayana Commentary)
हे मरुतः शुचीनां शुद्धानां वोयुष्माकं शुची शुचीनि हव्या हव्यानि हवींषि भवन्तु शुचिभ्यः प्रकाशमानेभ्योयुष्मभ्यं शुचिं शुद्धं अध्वरं यागं हिनोमि अहं प्रेरयामि ऋतसापः ऋतमुदकं स्पृशन्तोमरुतः ऋतेन सत्येनैव सत्यमायन् गच्छंति कीदृशाः शुचिजन्मानः शोभन- जननाः शुचयोदीप्यमानाः पावकाः शोधकाः एवंभूतागच्छंतीत्यर्थः ॥ १२ ॥