अ॒भि स्व॒पूभि᳚र्मि॒थो व᳚पन्त॒ वात᳚स्वनसः श्ये॒ना अ᳚स्पृध्रन् ॥
पदपाठः (Word-by-word)
अ॒भि । स्व॒॑पूभिः᳚ । मि॒थः । व॒प॒न्त॒ । वात᳚॑स्वनसः । श्ये॒नाः । अ॒स्पृ॒ध्र॒न् ॥
सायणभाष्यम् (Sayana Commentary)
मरुतः स्वपूभिः स्वकीयैः पवनैः संचरणैः स्वयमेव संचरन्तः मिथः परस्परं अभिवपत संगच्छन्ते अपिच वातस्वनसः वायुवत्स्वनन्तः शब्दायमानाः श्येनाः श्यैङ्गतावितिधातोरूपं गमनशीलाः यद्वा श्येनाइति लुप्तोपममेतत् श्येनाः पक्षिणः तद्वद्गच्छन्तः अस्पृध्रन् परस्परं रूपसौंदर्यादिभिः स्पर्धन्ते ॥ ३ ॥