अंसे॒ष्वा म᳚रुतः खा॒दयो᳚ वो॒ वक्ष᳚स्सु रु॒क्मा उ᳚पशिश्रिया॒णाः ।
वि वि॒द्युतो॒ न वृ॒ष्टिभी᳚ रुचा॒ना अनु᳚ स्व॒धामायु᳚धै॒र्यच्छ᳚मानाः ॥
वि वि॒द्युतो॒ न वृ॒ष्टिभी᳚ रुचा॒ना अनु᳚ स्व॒धामायु᳚धै॒र्यच्छ᳚मानाः ॥
पदपाठः (Word-by-word)
अंसे᳚षु । आ । म॒रु॒तः॒ । खा॒दयः᳚ । वः॒ । वक्षः᳚॑सु । रु॒क्माः । उ॒प॒॑शि॒श्रि॒या॒णाः ।
वि । वि॒॑द्युतः᳚ । न । वृ॒ष्टि॑भिः᳚ । रु॒चा॒नाः । अनु᳚ । स्व॒धाम् । आयु᳚धैः । यच्छ᳚मानाः ॥
वि । वि॒॑द्युतः᳚ । न । वृ॒ष्टि॑भिः᳚ । रु॒चा॒नाः । अनु᳚ । स्व॒धाम् । आयु᳚धैः । यच्छ᳚मानाः ॥
सायणभाष्यम् (Sayana Commentary)
हे मरुतः अंसेषु युष्मदीयेषु स्कंधप्रदेशेषु खादयोलंकारविशेषाः आमुक्ताभवन्तीतिशेषः सुरुक्माः सुष्ठु रोचमानाः हाराः वोयुष्मदीयं वक्षः उरःप्रदेशं उपशिश्रियाणाः आश्रिताभवन्ति किंच हे मरुतः वृष्टिभिः वर्षैः सार्धं विद्युतोन तडितोयथा रुचानाः रोचमानाः तादृग्भूतायूयं आयुधैर्मेघताडनैः स्वधामुदकं अनुयच्छमानाः प्रयच्छन्तोविचरथेति शेषः ॥ १३ ॥ गृहमेधीये प्रबुध्र्यावइति प्रधानस्ययाज्या सूत्रितंच-प्रबुध्र्यावईरतेमहांसीति पुष्टिमन्तौ विराजौ संयाज्येइति ।