अ॒स्मे वी॒रो म᳚रुतः शु॒ष्म्य᳚स्तु॒ जना᳚नां॒ यो असु᳚रो विध॒र्ता ।
अ॒पो येन᳚ सुक्षि॒तये॒ तरे॒माध॒ स्वमोको᳚ अ॒भि वः᳚ स्याम ॥
अ॒पो येन᳚ सुक्षि॒तये॒ तरे॒माध॒ स्वमोको᳚ अ॒भि वः᳚ स्याम ॥
पदपाठः (Word-by-word)
अ॒स्मे इति᳚ । वी॒रः । म॒रु॒तः॒ । शु॒ष्मी । अ॒स्तु॒ । जना᳚नाम् । यः । असु᳚रः । वि॒॑ध॒र्ता ।
अ॒पः । येन᳚ । सु॒॑क्षि॒तये᳚ । तरे᳚म । अध᳚ । स्वम् । ओकः᳚ । अ॒भि । वः॒ । स्या॒म॒ ॥
अ॒पः । येन᳚ । सु॒॑क्षि॒तये᳚ । तरे᳚म । अध᳚ । स्वम् । ओकः᳚ । अ॒भि । वः॒ । स्या॒म॒ ॥
सायणभाष्यम् (Sayana Commentary)
हे मरुतः अस्मे अस्माकं वीरः पुत्रः शुष्मी अस्तु बलवान् भवतु असुरः प्रज्ञावान् योजनानां शत्रूणां विधर्ता विधारकः येन पुत्रेण वयं सुक्षितये सुष्ठुनिवासाय अपः आप्नुवतः शत्रून् तरेम हिंसेम सपुत्रोबलवानस्त्विति पूर्वेणान्वयः । अधापिच वोयुष्मदीयावयं स्वमोकः आत्मीयं स्थानं अभिस्याम आतिष्ठेम ॥ २४ ॥